У CINEVOKA з'явілася новая прэм'ера на беларускай мове, якая ўжо даўно атрымала статус культавай. “Шон і мерцвякі” Эдгара Райта – гэта выбуховая сумесь камедыі, жахаў і брытанскага гумару, дзе звычайны прадавец электронікі нечакана становіцца адным з нешматлікіх, хто здольны выжыць падчас зомбі-апакаліпсісу. Пакуль вакол пануюць хаос і мерцвякі, Шон спрабуе наладзіць адносіны з дзяўчынай, паразумецца з маці і проста застацца жывым.
Але зомбі – далёка не адзіны спосаб перавярнуць свет дагары нагамі. Сабралі яшчэ некалькі фільмаў з CINEVOKA, у якіх героям таксама даводзіцца ісці наперад, калі рэальнасць раптам пачынае гуляць паводле ўласных, вельмі дзіўных правілаў.
“Шон і мерцвякі”
Жыццё Шона складана назваць удалым: праца не прыносіць задавальнення, адносіны развальваюцца, а кожны дзень падобны да папярэдняга. Але ўсё змяняецца, калі вуліцы Лондана запаўняюць мерцвякі. Цяпер яму трэба не проста выжыць, а выратаваць самых блізкіх людзей. Вострая камедыя, якая адначасова пасмяецца з жанру зомбі-хорараў і пакажа гісторыю пра сталенне чалавека, што занадта доўга адкладваў дарослае жыццё на потым.
“Траса 60”
Што, калі на карце ёсць дарога, якой не існуе ні ў адным атласе? Малады Ніл Олівер адпраўляецца ў падарожжа па загадкавай Трасе 60, каб знайсці адказы на пытанні, якія не даюць яму спакою. На шляху яго чакаюць дзіўныя гарады, сустрэчы з эксцэнтрычнымі людзьмі і сітуацыі, што прымушаюць па-новаму зірнуць на жыццё. Гэта гісторыя пра выбар, пошук сябе і свет, дзе логіка саступае месца фантазіі. Як і ў “Шоне і мерцвяках”, звычайны герой тут раптоўна трапляе ў рэальнасць, дзе нішто ўжо не працуе па звыклых правілах.
“Скот Пілігрым супраць усіх”
Жыццё маладога музыканта Скота Пілігрыма змяняецца пасля сустрэчы з таямнічай Рамонай Флаўэрс. Праўда, каб быць з дзяўчынай сваёй мары, яму трэба перамагчы яе сямёх былых каханых. І не ў пераносным сэнсе. Кожная такая сустрэча ператвараецца ў сапраўдную бітву, быццам герой апынуўся ўнутры відэагульні. Яркая, дынамічная і вельмі іранічная гісторыя пра каханне, сталенне і неабходнасць нарэшце прыняць адказнасць за ўласнае жыццё. Таксама, як і Шон, Скот выглядае далёка не героем, але менавіта яму даводзіцца змагацца з поўным вар'яцтвам вакол.
***
Калі пасля “Шона і мерцвякоў” вам захочацца яшчэ крыху незвычайных прыгод, дзіўных супадзенняў і герояў, якія аказваюцца не там, дзе планавалі быць, на CINEVOKA хопіць гісторый на любы настрой. Бо часам самае цікавае пачынаецца менавіта тады, калі свет раптам сыходзіць з розуму.
Кожны з гэтых фільмаў можна паглядзець у раздзеле “CINEVOKA – Кіно па-беларуску” ў анлайн-кінатэатры VOKA ад А1. Зараз у эксклюзіўнай калекцыі праекта даступна больш за 100 карцін у беларускай агучцы: ад усімі любімай класікі да самых гучных прэм'ер апошніх гадоў. Кантэнт створаны спецыяльна для платформы.
*На правах рэкламы.
