Сёння журналiсты Smartpress завiталi у Тракелi Воранаўскага раёна – адзiн з важных каталіцкіх рэлігійных цэнтраў Беларусі. Гэта мясціна з даўняй гісторыяй, куды штогод прыязджаюць тысячы пілігрымаў.
Тракелі – старажытнае мястэчка Віленшчыны, вядомае з XV стагоддзя. Першая пісьмовая згадка пра яго датуецца 1433 годам: тады вялікі князь Жыгімонт Кейстутавіч пацвердзіў права Яна Гаштольда на валоданне гэтымі землямі.
Галоўная славутасць Тракеляў – драўляны касцёл Адведзінаў Найсвяцейшай Панны Марыі, пабудаваны ў 1809 годзе на месцы ранейшага храма. У ім захоўваецца абраз Маці Божай Тракельскай, які вернікі шануюць як цудатворны. Паводле падання, яго напісаў невядомы мастак у XVI стагоддзі, а ў Тракелі прывезлі з Вільні.
У 1994 годзе касцёл атрымаў статус дыяцэзіяльнага санктуарыя – асаблівага месца ўшанавання святыні. А 5 ліпеня 2009 года адбылася ўрачыстая каранацыя абраза папскімі каронамі.
Штогод Тракелі наведваюць пілігрымы, а летам тут праходзіць шматтысячны Тракельскі фэст. Каля касцёла – дагледжаны парк і пляц для ўрачыстасцяў.
У Тракелях таксама можна ўбачыць помнік савецкім воінам, прагуляцца па наваколлі і адчуць восеньскую атмасферу беларускага мястэчка.
Мiкiта Пастухоў
Фота аўтара
