Зіма — не нагода заставацца дома. Таму мы наведалі Зэльву — адну з былых рэзідэнцый роду Сапег, а таксама месца жыцця паэткі Ларысы Геніюш. Дзелімся цікавымі месцамі, якія можна ўбачыць у мястэчку сёння.

Зэльва ўпершыню згадваецца ў пісьмовай крыніцы ў 1258 годзе. Тады Іпацьеўскі летапіс паведамляў пра старажытнае паселішча, якое размяшчалася на месцы сучаснага мястэчка. На працягу гісторыі пасёлак належаў розным шляхецкім родам. Сярод іх — Вішнеўскія, Забярэзінскія, Зяновічы, Сапегі.

Касцёл святой Тройцы ў Зэльве

Але найбольшага развіцця мястэчка дасягнула якраз пры Сапегах, калі ў Зэльве быў арганізаваны найбуйнейшы кірмаш ва ўсім ВКЛ, а таксама адкрыты свой тэатр, дзе гралі не толькі мясцовыя акторы, але і артысты з Францыі і Польшчы.

Сёння ў Зэльве ёсць некалькі цікавых гістарычных месцаў, якія можна наведаць падчас падарожжа.

Сімвал Зэльвеншчыны - конь. Скульптуру гэтай жывёлы ўсталявалі ў пасёлку ў юбілейным 2008 годзе. 

Гэта, напрыклад, высокі неагатычны касцёл Найсвяцейшай Тройцы, пабудаваны ў 1913 годзе на месцы былога драўлянага храма. Або праваслаўная Царква Святой Жываначальнай Тройцы, куды доўгі час хадзіла маліцца знакамітая беларуская паэтка Ларыса Геніюш.

Тут жа ёсць стары атмасферны млын ХІХ стагоддзя, які маляўніча размясціўся на беразе ракі Зэльвянкі.

Больш падрабязна пра гэтыя і іншыя цікавосткі Зэльвы, а таксама пра гісторыю мястэчка, мы распавядаем у нашым вялікім матэрыяле, які можна прачытаць па спасылцы.